*ROSE*

Ang rose ay isang uri ng bulaklak,
Ito ay simbolo  ng  pagkabusilak:
Sa  mga  nag-iibigan  ay palasak,
Sa  puso at  isipan ay  nakatatak.

Ang  rose  ay  para  ding  tabak,
Sa  tangkay  ay  hwag  ihahatak;
Sa  mga  tinik parang nasaksak,
Dugo  sa  kamay  ay   papatak.

Kung sa  panliligaw  ang  balak,
Piliin mo ang rose  na  bulaklak;
Sa  sinisinta  ay  iyong  itambak,
Ang  puso  nya  ay papalakpak.

Kung  di  alam  ang  nasa  utak,
Ang  puso't  isipan ay di  tiyak;
Sa  tatlong  rose  na  bulaklak,
Ang  ibigay mo ay  kulay  lilak.

Pagtanggap  nya'y  nagagalak,
Matamis  na  oo  ay  natitiyak;
Di  bale  na  maging  bulagsak,
Makamtan pag-ibig na busilak.

Pag  binigyan mo ng bulaklak,
Subalit  sya ay  nagpapalatak;
At  bigla  ka  na lang sinapak,
Di  type ang  mukhang Pugak.